నాయీబ్రాహ్మణుల ఆత్మగౌరవాన్ని కాపాడారు

సీఎం జగన్‌ను కలిసి కృతజ్ఞతలు తెలిపిన ప్రతినిధులు

ఈనాడు, అమరావతి: నాయీ బ్రాహ్మణులను వారి సామాజికవర్గాన్ని కించపరిచేలా వినియోగించే పదాలపై నిషేధం విధిస్తూ ప్రభుత్వం ఉత్తర్వులు జారీ చేయడంపై ఆ సామాజిక వర్గ ప్రతినిధులు సంతోషాన్ని వ్యక్తం చేశారు. నాయీ బ్రాహ్మణ కార్పొరేషన్‌ ఛైర్మన్‌ సిద్ధవటం యానాదయ్య, నాయీ బ్రాహ్మణ సేవా సంఘం రాష్ట్ర ప్రధాన కార్యదర్శి వల్లూరి కోటేశ్వరరావు, నాయీ బ్రాహ్మణ ఐకాస రాష్ట్ర అధ్యక్షుడు జి.రామదాసు, ప్రతినిధులు కె.శ్రీదేవి, నందిని, తదితరులు గురువారం ముఖ్యమంత్రి జగన్‌ను ఆయన క్యాంపు కార్యాలయంలో కలిశారు. తమ ఆత్మగౌరవాన్ని కాపాడారంటూ సీఎంకు కృతజ్ఞతలు తెలిపారు.