ఏయ్‌.. నోరు మూసుకో!.. గోడు చెప్పుకొంటున్న రైతుపై మంత్రి కారుమూరి అసహసం

ఉంగుటూరు, న్యూస్‌టుడే: ఇటీవల ఓ రైతుపై దుర్భాషలాడిన పౌరసరఫరాల శాఖ మంత్రి కారుమూరి వెంకట నాగేశ్వరరావు తన తీరుతో మరోసారి వార్తల్లోకి ఎక్కారు. అకాల వర్షాలకు తడిసిన ధాన్యాన్ని పరిశీలించేందుకు ఏలూరు జిల్లా ఉంగుటూరు, నాచుగుంటలో సోమవారం ఆయన పర్యటించారు. నాచుగుంటలో రైతులు తమ సమస్యలను మంత్రి వద్ద ఏకరవు పెట్టారు. ఈ క్రమంలో అసహనానికి గురైన మంత్రి ఓ రైతును ‘ఏయ్‌..నోరు మూసుకో’ అంటూ మండిపడ్డారు. మరో సందర్భంలో రైతులు ఆయనకు సమస్యలు చెబుతుండగా వీడియో చిత్రీకరిస్తున్న విలేకరులను ఆపాలంటూ చేతితో సైగ చేశారు. ఇటీవల తెదేపా అధినేత చంద్రబాబు నాచుగుంటలో పర్యటించిన విషయం తెలిసిందే.