Updated : 30 Jan 2022 04:44 IST

Tamilisai Soundararajan: నేనూ అవమానాలు ఎదుర్కొన్నా

సాయిపల్లవిని అవమానించడంపై గవర్నర్‌ తమిళిసై స్పందన

చెన్నై, న్యూస్‌టుడే: ‘శ్యామ్‌ సింగరాయ్‌’ చిత్రంలో దేవదాసిగా నటించిన సాయిపల్లవిని కొందరు బాడీ షేమింగ్‌ చేయడంపై తెలంగాణ గవర్నర్‌, పుదుచ్చేరి ఇన్‌ఛార్జి లెఫ్టినెంట్‌ గవర్నర్‌ తమిళిసై సౌందర్‌రాజన్‌ స్పందించారు. ఓ తమిళ టీవీ ఛానెల్‌ ఇంటర్వ్యూలో ఆమె తన అభిప్రాయాలు వెల్లడించారు. ‘ఇలాంటి వ్యాఖ్యలకు పాల్పడటం నన్ను తీవ్రంగా కలచివేసింది. పొట్టిగా ఉంది, నల్లగా ఉందంటూ మహిళలను పలువురు కించపరుస్తూ ఉంటారు. ఆ వ్యాఖ్యలు సంబంధితుల మనసును గాయపరుస్తాయని ఆలోచించరు. నేనూ ఇలాంటి అనుభవాలు ఎదుర్కొన్నాను. నన్ను ‘పరట్టై’ (చింపిరి జుత్తు) అని సంబోధించేవారు. కఠినమైన కృషి, ప్రతిభతో వాటిని దాటుకుని ధైర్యంగా ఎదిగాను. ఏదైనా అందమే. అందుకే కాకిపిల్ల కాకికి ముద్దు అనే సామెత ఉంది. సమాజంలో ఎక్కువగా స్త్రీలే బాడీ షేమింగ్‌కు గురవుతున్నార’ని పేర్కొన్నారు. ఓ సంఘటనను ఉదహరిస్తూ... సుమారు 50 ఏళ్ల మహిళను వృద్ధురాలు అంటూ సంబోధించారని, అదే ఆ వయసు మగవారిని యువకుల్లా చూస్తుంటారని తెలిపారు. ‘ఈ సమాజం మహిళలను బాధపెడుతూ వారి ఎదుగుదలను తగ్గించడానికి యత్నిస్తోంది. బాడీ షేమింగ్‌ వ్యాఖ్యలను పట్టించుకోకుండా, మానసికంగా దృఢంగా, ధైర్యంగా ఉండాల’ని మహిళలకు పిలుపునిచ్చారు.

Read latest Ap top news News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని