డాబర్‌ ఇండియా నికర లాభం రూ.515 కోట్లు

దిల్లీ: ఎఫ్‌ఎంసీజీ దిగ్గజం డాబర్‌ ఇండియా సెప్టెంబర్‌తో ముగిసిన త్రైమాసికంలో 5% వృద్ధితో 515.05 కోట్ల ఏకీకృత నికర లాభాన్ని నమోదు చేసింది. గతేడాది ఇదే కాలంలో నికర లాభం రూ.490.06 కోట్లు. కార్యకలాపాల ద్వారా డాబర్‌ ఇండియాకి ఆదాయం 7.20% పెరిగి రూ.2,986.49 కోట్ల నుంచి రూ.3,203.84 కోట్లకు చేరుకుంది. ఈ త్రైమాసికంలో తన అంతర్జాతీయ వ్యాపారంలో 23.60% వృద్ధిని నమోదు చేసింది. వడ్డీ, పన్నులు, తరుగుదల (EBITDA)కు ముందు ఆదాయాలు 10% పెరిగి రూ.661 కోట్లకు చేరుకున్నాయి. డాబర్‌ డైజెస్టివ్‌ వ్యాపారం 18.10% వృద్ధి చెందగా.. హోమ్‌కేర్‌ బిజినెస్‌ 15.10% వృద్ధిని నమోదు చేసింది. ఆయుర్వేద ఓటీసీ, ఎథికల్స్‌ బిజినెస్‌ 8.10% పెరిగింది. డాబర్‌ ఇండియా 2023-24 ఆర్థిక సంవత్సరానికి రూ.1 ముఖ విలువ కలిగిన ఒక్కో షేరుకు రూ.2.75 మధ్యంతర డివిడెండ్‌ను ప్రకటించింది. ఈ డివిడెండ్‌ మొత్తం రూ.487.31 కోట్లు.