ఏఐ ఉంటే.. ఔషధం ఇట్టే ఆవిష్కారం
కృత్రిమ మేధ (ఏఐ), మెషీన్ లెర్నింగ్ (ఎంఎల్), డేటా అనలిటిక్స్... కేవలం ఐటీ సేవల్లోనే కాదు.. ఔషధ రంగంలోనూ విప్లవాత్మకమైన మార్పులకు శ్రీకారం చుట్టబోతున్నాయి.
కొత్త సాంకేతికతతో ఫార్మాలో అనూహ్య వృద్ధి
2030 నాటికి 150 బిలియన్ డాలర్ల స్థాయికి
ఈనాడు - హైదరాబాద్
కృత్రిమ మేధ (ఏఐ), మెషీన్ లెర్నింగ్ (ఎంఎల్), డేటా అనలిటిక్స్... కేవలం ఐటీ సేవల్లోనే కాదు.. ఔషధ రంగంలోనూ విప్లవాత్మకమైన మార్పులకు శ్రీకారం చుట్టబోతున్నాయి. పరిశోధన-అభివృద్ధి కార్యకలాపాలను సమర్ధంగా నిర్వహించటానికి, క్లినికల్ పరీక్షలను వేగంగా పూర్తిచేసి కొత్త మందులను ఆవిష్కరించడానికి కృత్రిమ మేధ(ఏఐ), మెషీన్ లెర్నింగ్ ఎంతగానో దోహదపడతాయని కన్సల్టెన్సీ సేవల సంస్థ ఎర్నెస్ట్ అండ్ యంగ్ అభిప్రాయపడింది. ‘ఫ్రమ్ వాల్యూమ్ టు వాల్యూ: ఇండియన్ ఫార్మా‘స్ ట్రాన్స్ఫర్మేషన్ విత్ డేటా అండ్ ఏఐ’ అనే పేరుతో బయోఏషియా- 2024 సందర్భంగా ఒక నివేదికను తెలంగాణ రాష్ట్ర ప్రభుత్వంతో కలిసి ఈ సంస్థ రూపొందించింది.
50 బి. డాలర్ల నుంచి 150 బి. డాలర్లకు...
మన దేశంలో ఫార్మా పరిశ్రమ పరిమాణం ప్రస్తుతం 50 బి. డాలర్లు కాగా, 2030 నాటికి ఇది 130 బి. డాలర్లకు విస్తరిస్తుందని అంచనా. దీన్ని సాధించాలనే లక్ష్యాన్ని అటు ప్రభుత్వం, ఇటు పరిశ్రమ నిర్దేశించుకున్నాయి. ప్రధానంగా జనరిక్ ఔషధాలు, ఓటీసీ మందులు, బల్క్ ఔషధాలు, టీకాలు, బయోసిమిలర్స్, బయోలాజిక్స్ను ఫార్మా కంపెనీలు ఉత్పత్తి చేస్తున్నాయి. ఇవేే కాకుండా కాంట్రాక్టు పరిశోధన- ఉత్పత్తి (సీడీఎం) సేవలను పెద్దఎత్తున అందిస్తోన్న విషయం విదితమే. గత కొంతకాలంగా దేశీయ ఫార్మా పరిశ్రమ వార్షిక వృద్ధి రేటు సగటున 6.5-7 శాతం వృద్ధి నమోదవుతోంది. ఇదే స్థాయి వృద్ధితో 2030 నాటికి 150 బి. డాలర్ల స్థాయికి చేరుకోవడం కష్టసాధ్యం. అయితే సత్వర వృద్ధి సాధనకు కొత్త మందులను ఆవిష్కరించటం ఎంతో అవసరం. అది కూడా ఎంతో తక్కువ సమయంలో తీసుకురావాలి. ప్రస్తుత పరిస్థితుల్లో ఒక కొత్త మందును మార్కెట్కు తీసుకురావటానికి 5-10 ఏళ్ల వరకూ పడుతోంది. పరిశోధన-అభివృద్ధి దశ నుంచి రోగికి ఔషధాన్ని అందుబాటులోకి తీసుకువచ్చేంత వరకు ప్రతిదశలో ఎన్నో ఇబ్బందులను అధిగమించాల్సి ఉంటుంది. దీనికి ఎంతో సమయం, ఖర్చు అవుతుంది. కానీ ఏఐ, ఎంఎల్ పరిజ్ఞానాన్ని అందిపుచ్చుకుంటే ఈ మొత్తం వ్యవహారాన్ని తక్కువ సమయంలో పూర్తిచేయవచ్చని ఎర్నెస్ట్ అండ్ యంగ్ నివేదిక స్పష్టం చేసింది.
ఎలా అనుకూలం?
కొత్త సాంకేతిక పరిజ్ఞానాన్ని అందిపుచ్చుకోవటం ద్వారా బయోలాజిక్స్, బయోసిమిలర్స్, యాంటీ బాడీ డ్రగ్ కంజుగేట్స్ (ఏడీసీ) లింకేజ్ ప్రోడక్ట్స్, అత్యంత సమర్ధమైన ఏపీఐ (యాక్టివ్ ఫార్మా ఇన్గ్రేడియంట్స్) మందులు తీసుకువచ్చే అవకాశం ఉంటుందని అంచనా. ఎలా అంటే...
- జనరేటివ్ ఏఐతో ఔషధ పరిశోధనా కార్యకలాపాలు ఎంతో వేగవంతం అవుతాయి. బయోయాక్టివిటీ, టాక్సిసిటీ, ఫిజికోకెమికల్ ప్రాపర్టీస్లను జనరేటివ్ ఏఐ ఎంతో వేగంగా అంచనా వేస్తుంది. మాలిక్యులార్ కలయికలను ఎంతో అధికంగా, సులువుగా గుర్తించగలదు. ఔషధ పరిశోధనలో వైఫల్యాలనూ సత్వరం పసిగట్టే సత్తా వీటికి ఉంటుంది.
- కృత్రిమ మేధ, మెషీన్ లెర్నింగ్ వల్ల క్లినికల్ పరీక్షలను క్రమపద్ధతిలో సమర్ధంగా నిర్వహించవచ్చు.
- డేటా అనలిటిక్స్ సాంకేతిక పరిజ్ఞానంతో మార్కెట్లో మందులకు గిరాకీని అంచనా వేయటం, సరఫరా వ్యవస్థలను బలోపేతం చేయడంతో పాటు రోగుల అవసరాలను సమర్ధంగా గుర్తించవచ్చు.
- జబ్బును గుర్తించి దానికి మందు ఇవ్వటం కాకుండా రోగి శారీరక, మానసిక స్థితిగతులను విశ్లేషించి, దాని ప్రకారం మందులు తయారు చేసి ఇచ్చే అవకాశం కూడా ఈ కొత్త సాంకేతికతతో సాధ్యమని అంచనా వేస్తున్నారు. ఏఐ, బ్లాక్ చైన్, డిజిటల్ ట్విన్స్ పరిజ్ఞానాన్ని వినియోగిస్తే అత్యుత్తమ నాణ్యత సాధించటంతో పాటు సమర్ధత, పారదర్శకత సాధించటానికి వీలుకలుగుతుందని ఈ నివేదిక విశ్లేషించింది.
ఖర్చులు బాగా తగ్గుతాయి...
ఔషధ పరిశోధన ఎంతో ఖర్చుతో కూడుకున్న వ్యవహారం. దీనికి తగినంతగా నిధులు కేటాయించలేక పరిశోధనలను విస్తృత స్థాయిలో చేపట్టటానికి కంపెనీలు వెనుకంజ వేస్తుంటాయి. వైఫల్యాలు కూడా అధికం. అయిదారేళ్ల పాటు పరిశోధన నిర్వహించి, ఎంతో ఖర్చు చేసి ఒక కొత్త ఫార్ములాను ఆవిష్కరిస్తే... ఆ తర్వాత క్లినికల్ పరీక్షల్లో అది విఫలం కావచ్చు. పెట్టిన ఖర్చు తిరిగిరాకపోయినా తట్టుకోగల సత్తా ఉంటేనే ఫార్మా కంపెనీలు పరిశోధనా కార్యకలాపాలు పెద్దఎత్తున చేపట్టగలుగుతాయి. ఇప్పటి వరకూ ఇదొక ప్రధాన అవరోధంగా ఉంది. కానీ కొత్త సాంకేతికతతో పరిశోధనా వ్యయాలు సగానికి సగం తగ్గే అవకాశం ఉందని ఈ నివేదిక పేర్కొంది. మరోపక్క దేశీయ ఫార్మా ఇప్పటి వరకూ జనరిక్ ఔషధాల మీద అధికంగా దృష్టి పెట్టింది. భారీగా మందులు ఉత్పత్తి చేయగలుగుతోంది. కానీ అధిక ధర లభించే కొత్త మందులను తీసుకురాలేకపోతోంది. దీనికి కూడా ఏఐ, ఎంఎల్, డేటా అనలిటిక్స్ సాంకేతిక పరిజ్ఞానం తగిన పరిష్కారాలు చూపగలుగుతుందని భావిస్తున్నారు.
అవరోధాలు అధిగమించవచ్చు
ఒక ఔషధాన్ని అభివృద్ధి చేసి, దానికి ప్రాథమిక స్థాయి క్లినికల్ పరీక్షలను నిర్వహించేందుకు ఏళ్లకు ఏళ్లు పడుతుంది. ఎంతో పెట్టుబడీ అవసరం అవుతుంది. ఈ సమస్యకు పరిష్కారంగా ఒక ఔషధాన్ని అభివృద్ధి చేసిన వెంటనే దాని పనితీరు ఎలా ఉండబోతోంది అనేది కృత్రిమ మేధ సహాయంతో విశ్లేషించవచ్చు. దీనివల్ల ఒక ఔషధాన్ని అభివృద్ధి చేసే సమయాన్ని పదేళ్ల నుంచి రెండేళ్లకు తగ్గించే అవకాశం ఉంది. ఈ కొత్త సాంకేతికతను నియంత్రణ సంస్థలూ గమనిస్తున్నాయి. కొత్త మందులపై క్లినికల్ పరీక్షలు నిర్వహించే దశ వరకూ రావటానికే కొన్ని కోట్ల రూపాయల ఖర్చు చేయాల్సి ఉంటుంది. కృత్రిమ మేధ సహాయంతో ఖర్చు తగ్గించవచ్చు. క్లినికల్ పరీక్షల్లో వైఫల్యం అవకాశాలు చాలా తక్కువగా ఉంటాయి. మానవ కణాన్ని పోలిన కృత్రిమ చిప్ను రూపొందించి ప్రయోగాలు చేసేందుకు ఏఐ, ఎంఎల్ వీలు కల్పిస్తాయి.
వెంకట్ మట్టెల, సీఈఓ, వ్యవస్థాపకుడు, సెరిమార్ఫిక్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
జీఎస్టీ సమస్యలకేదీ పరిష్కారం?
కేంద్రంలో ఎన్డీఏ ప్రభుత్వం కొలువుతీరిన తరవాత ఇటీవల జీఎస్టీ మండలి సమావేశం జరిగింది. అపరిష్కృతంగా ఉన్న అనేక సమస్యలు కౌన్సిల్ ముందుకు వచ్చాయి. పన్ను మదింపు, చెల్లింపుల్లో అనవసర వ్యాజ్యాలను నివారించడం కోసం పలు కీలక నిర్ణయాలు తీసుకున్నారు. కానీ, ముఖ్యమైన సమస్యలకు మాత్రం ఇంకా పరిష్కారం లభించలేదు. -
ఎఫ్అండ్ఓ ట్రేడ్లకు అధిక పన్ను!
అధిక నష్టముప్పుతో కూడిన ఫ్యూచర్స్ అండ్ ఆప్షన్ల (ఎఫ్ అండ్ ఓ) విభాగంలో చిన్న మదుపర్లు దూకుడుగా పాల్గొనడాన్ని తగ్గించడంపై ప్రభుత్వం దృష్టి సారించింది. -
డాలర్ ఆధిపత్యానికి గండి
చమురును కేవలం డాలర్లలోనే విక్రయించాలని సౌదీ అరేబియా, అమెరికా మధ్య 1974 జూన్ 8న ఒప్పందం కుదిరింది. ఈ ఏడాది జూన్ 9తో ఆ ఒప్పందానికి గడువు తీరిపోయింది. ఒప్పందాన్ని కొనసాగించకూడదని సౌదీ నిర్ణయించింది. ఇది ప్రపంచార్థికంపై విస్తృత ప్రభావం చూపనుంది. -
ఈవీలు జోరందుకునే వీలు
అభివృద్ధికి చోదకశక్తి వంటిది- రవాణా రంగం. మానవ వనరులు, సరకులు ఒక ప్రాంతం నుంచి మరో ప్రాంతానికి చేరనిదే అభివృద్ధి సాధ్యపడదు. అంతటి ప్రాముఖ్యం కలిగిన రవాణా రంగంలో విద్యుత్ వాహనాలు విప్లవాత్మక మార్పులు తీసుకొస్తున్నాయి. కానీ, భారత్లో తగినన్ని ఛార్జింగ్ స్టేషన్లు లేకపోవడం వినియోగదారులను నిరుత్సాహపరుస్తోంది. -
రియల్ ఎస్టేట్ మోసాలకు సెలబ్రిటీలూ బాధితులే.. రెరా నిబంధనలు ఏం చెప్తున్నాయ్?
RERA act: స్థిరాస్తి మోసాలకు సామాన్యులే కాదు ప్రముఖులూ మోసపోతున్నారు. కాబట్టి రెరా నిబంధనలు తెలుసుకోవడం ముఖ్యం. -
నాణ్యమైన షేర్లు కొని.. కనీసం 2-3 ఏళ్లయినా వేచి చూడండి
Stock Market: స్టాక్ మార్కెట్లో లాభాలు ఆర్జించాలంటే నాణ్యమైన షేర్లను కొనుగోలు చేసుకుని, కనీసం 2-3 ఏళ్లయినా ఎదురు చూడాలని చిన్న మదుపర్లకు విశ్లేషకులు సలహా ఇస్తున్నారు. -
ప్రభుత్వ బ్యాంకుల ప్రైవేటీకరణ లేనట్లేనా?!
ప్రైవేటీకరణ జరుగుతుందని ప్రచారం జరిగిన ప్రభుత్వ రంగ బ్యాంకులు (పీఎస్బీ) ఇండియన్ ఓవర్సీస్ బ్యాంక్, సెంట్రల్ బ్యాంక్ ఆఫ్ ఇండియా భవిష్యత్ ప్రణాకలపై ప్రభుత్వం పునరాలోచనలో పడిందని తెలుస్తోంది. -
Artificial Intelligence: ఎటు చూసినా ఏఐ...
మనదేశంలో ఏఐ (కృత్రిమ మేధ) వినియోగం శరవేగంగా పెరుగుతోంది. కార్యాలయాల్లో అధిక శాతం ఉద్యోగులు ఈ నూతన సాంకేతిక పరిజ్ఞానాన్ని వినియోగించి సమర్థంగా సేవలు అందించేందుకు ప్రయత్నిస్తున్నారు. -
మన సమాచారం సురక్షితమేనా?
దేశంలో డిజిటల్ ఆర్థిక లావాదేవీలు విపరీతంగా పెరుగుతున్నాయి. అదే సమయంలో సైబర్ నేరాల సంఖ్యా అధికమవుతోంది. వీటిని నివారించేందుకు బ్యాంకులు, ఆర్థిక సంస్థలు ఎప్పటికప్పుడు తమ వివరాల్లో మార్పులేమైనా ఉంటే సమర్పించాలని ఖాతాదారులను కోరుతున్నాయి. -
రహస్యంగా ఐపీఓకు.. ఈ కొత్త వ్యూహం వెనక మతలబేంటి?
Confidential IPO filing: కొన్ని కంపెనీలు ఇటీవల ఐపీఓకి రహస్యంగా సెబీకి ప్రాథమిక పత్రాలు సమర్పించాయి. ఈ కొత్త మార్గాన్ని సంస్థలు ఎందుకు ఎంచుకుంటున్నాయి? దీని వెనకున్న వ్యూహమేంటో చూద్దాం.. -
మొన్న విస్తారా.. నేడు ఎయిరిండియా ఎక్స్ప్రెస్.. టాటాలకు ఎందుకీ సెగ..?
టాటా గ్రూప్నకు చెందిన విమానయాన సంస్థల ఉద్యోగులు తరచూ ఆందోళన వ్యక్తంచేస్తున్నారు. ఎందుకీ పరిస్థితి నెలకొంది. -
గోద్రేజ్ విభజన షేర్ల బదిలీతోనే.. ముంబయిలోని 3400 ఎకరాలు జెంషెడ్ వర్గానికి..
దేశంలోనే దిగ్గజ గ్రూప్లలో ఒకటిగా ఉండి, 127 ఏళ్ల ఘన చరిత్ర గల గోద్రేజ్ గ్రూప్ రెండుగా విడిపోవడం కార్పొరేట్ ప్రపంచంలో ఆసక్తిని పెంచుతోంది. -
తాళాల నుంచి అంతరిక్షం వరకు.. భారతీయుల జీవితాల్లో గోద్రెజ్ ఎలా ‘కీ’లకమైంది?
godrej journey: తాళాలు తయారుచేసే ఓ కంపెనీ అంతరిక్షం వరకు ఎలా ఎదిగింది. భారతీయుల జీవితాల్లో ఎలా భాగమైపోయింది. గోద్రెజ్ గురించి ‘కీ’ పాయింట్స్.. -
క్వైట్ ఫైరింగ్.. పొమ్మనలేక పొగబెట్టడం..!
Quiet Firing: కార్పొరేట్ రంగంలో పుట్టుకొచ్చిన అనేక కొత్త ట్రెండ్లలో క్వైట్ ఫైరింగ్ ఒకటి. ఇదేంటి? కంపెనీలు ఎందుకు అనుసరిస్తున్నాయి? దీన్ని ఎలా గుర్తించాలో చూద్దాం..! -
జీసీసీలు... అన్నీ ఇటే వస్తున్నాయ్
అగ్రశ్రేణి బహుళ జాతి వ్యాపార సంస్థలు తమ కొత్త గ్లోబల్ కేపబులిటీ సెంటర్ల(జీసీసీ) స్థాపనకు మన దేశం వైపు చూస్తున్నాయి. -
క్షణాల్లో బీమా.. ఐఆర్డీఏఐ కల్పించిన ధీమా
దేశంలో బీమాను అందరికీ చేరువ చేసే లక్ష్యంతో ఏర్పడిన స్వతంత్ర సంస్థ.. భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ). -
డ్రై ప్రమోషన్.. జాబ్ మార్కెట్లో ఇదో కొత్త ట్రెండ్
Dry Promotion: వర్క్ ఫ్రమ్ హోమ్, మూన్లైటింగ్, కాఫీ బ్యాడ్జింగ్, క్వైట్ క్విటింగ్ వంటి కొత్త ధోరణులు జాబ్ మార్కెట్లో ట్రెండ్ అయిన విషయం తెలిసిందే. తాజాగా డ్రై ప్రమోషన్ ఆ జాబితాలో చేరింది. -
ఇదీ.. ఇండిగో సత్తా
దేశీయ అతిపెద్ద విమానయాన సంస్థ ఇండిగో మరో ఘనత సాధించింది. మార్కెట్ విలువ పరంగా అమెరికా విమానయాన సంస్థను అధిగమించి, ప్రపంచంలోనే మూడో స్థానానికి చేరుకుంది. -
విప్రో కొత్త సీఈఓ ఏం చేస్తారో?
విప్రో కొత్త సీఈఓ శ్రీనివాస్ పల్లియాకు కంపెనీలో సవాళ్లు స్వాగతం పలుకుతున్నాయి. కంపెనీ ఆర్థిక గణాంకాలను పుంజుకునేలా చేయడంతో పాటు.. కీలక బాధ్యతల్లోని నిపుణులను అట్టేపెట్టి ఉంచుకోవడమూ చేయాల్సి ఉంది. -
అప్పుడు సెల్ఫోన్లలో.. ఇప్పుడు వాహనాల్లో
సెల్ఫోన్లకు అవసరమైన చిప్సెట్లు సమకూర్చడంలో నువ్వా.. నేనా అంటూ పోటీపడే క్వాల్కామ్, మీడియాటెక్ సంస్థలు దేశీయ వాహన రంగంలోనూ తమ పోటీ కొనసాగించనున్నాయి. -
రూపాయి అంతర్జాతీయ కరెన్సీ అవుతుందా?
డాలర్ విలువలో హెచ్చుతగ్గులు వివిధ దేశాల కరెన్సీలపై తీవ్ర ప్రభావం చూపుతున్నాయి. వీలైనంత వరకు ఇతర దేశాలతో వర్తకాన్ని రూపాయల్లో నిర్వహించడం భారత్కు లాభదాయకం. రూపాయికి అంతర్జాతీయ కరెన్సీ హోదా దక్కితే ప్రపంచవ్యాప్తంగా ఇండియా పలుకుబడి మరింత పెరుగుతుంది.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
అమెరికా అధ్యక్ష అభ్యర్థిగా కమలాహారిస్ ఖరారు
-
‘భారతితో వివేకా హత్యకేసు నిందితుడి సెల్ఫీ’.. దానికేం సమాధానం చెబుతారు జగన్?
-
రైళ్ల రీ షెడ్యూల్.. గమ్యాల కుదింపు
-
రైలుబండి.. దొంగలున్నారు జాగ్రత్తండీ
-
ఆటల్లో మనమెక్కడ?ఐదేళ్ల వైకాపా పాలనలో క్రీడలపై తీవ్ర నిర్లక్ష్యం
-
మంచి దొంగ!.. చోరీకొచ్చి.. నీళ్లు తాగి.. డబ్బులు పెట్టి