Hyderabad: మరో ఆత్మహత్య ఘటన.. బోరబండలో పిల్లలతో కలిసి తల్లి బలవన్మరణం

బోరబండ: హైదరాబాద్‌లో ఇవాళ మరో ఆత్మహత్య ఘటన చోటుచేసుకుంది. బోరబండ పీఎస్‌ పరిధి రాజ్‌నగర్‌లో ఓ స్కూల్‌ టీచర్‌ తన ఇద్దరు పిల్లలకు విషమిచ్చి తాను ఉరి వేసుకుంది. భార్య, పిల్లల మృతిని తట్టుకోలేక భర్త కూడా పురుగుల మందు తాగాడు. గమనించిన కుటుంబ సభ్యులు ఆయన్ను ఆసుపత్రికి తరలించి చికిత్స అందిస్తున్నారు. ఈ ఘటనపై కేసు నమోదు చేసిన పోలీసులు దర్యాప్తు చేపట్టారు. మృతులను తల్లి జ్యోతి (31), పిల్లలు అర్జున్‌ (4), ఆదిత్య (2)గా గుర్తించారు. బంజారాహిల్స్‌లోని ఓ పాఠశాలలో జ్యోతి టీచర్‌గా పనిచేస్తుండగా, ఆమె భర్త విజయ్‌ సెంట్రింగ్‌ కాంట్రాక్టర్‌గా జీవనం సాగిస్తున్నాడు. ఇవాళ సికింద్రాబాద్‌ బోయిన్‌పల్లిలోనూ ఓ తండ్రి.. ఇద్దరు కుమార్తెలతో కలిసి ఆత్మహత్య చేసుకున్న విషయం తెలిసిందే.