Adibatla kidnap case: యువతి కిడ్నాప్‌ కేసులో నవీన్‌రెడ్డి సోదరుడు నందీప్‌రెడ్డి అరెస్టు

హైదరాబాద్‌: మన్నెగూడ వైద్య విద్యార్థిని అపహరణ కేసులో ప్రధాన నిందితుడు నవీన్‌రెడ్డి సోదరుడు నందీప్‌రెడ్డి, వంశీ భరత్‌రెడ్డిలను పోలీసులు అరెస్టు చేశారు. వైశాలి వీడియోలను పలు ప్రచార సాధనాల్లో ప్రసారం చేసినందుకుగానూ వీరిపై పోలీసులు కేసు నమోదు చేసి అదుపులోకి తీసుకున్నారు. ఈ మేరకు బాధిత యువతి ఇచ్చిన పోలీసులకు ఫిర్యాదు చేశారు. నవీన్‌రెడ్డి తనపై దుష్ప్రచారం చేశారని.. తనకు సంబంధించిన వీడియోలను నందీప్‌రెడ్డి, భరత్‌రెడ్డి పోస్టు చేశారని ఫిర్యాదులో పేర్కొన్నారు. దీంతో వీరిపై పోలీసులు కేసు నమోదు చేశారు. వీరిద్దరిని అరెస్టు చేసి కోర్టులో హాజరుపరిచి రిమాండ్‌కు తరలించారు. బాధితురాలికి సంబంధించిన వీడియోలను మీడియాలో ప్రసారం చేయవద్దని పోలీసు అధికారులు సూచించారు.