TRS MLAs bribery scam: ఫొరెన్సిక్‌ ల్యాబ్‌కు ‘ఎమ్మెల్యేలకు ఎర’ కేసు నిందితులు

హైదరాబాద్‌: ఎమ్మెల్యేలకు ఎర కేసులో పోలీసుల దర్యాప్తు కొనసాగుతోంది. ఈ కేసులో నిందితులను ప్రత్యేక దర్యాప్తు బృందం (సిట్‌) అధికారులు రెండో రోజు ప్రశ్నిస్తున్నారు.  చంచల్‌గూడ జైలులో ఉన్న నలుగురు నిందితులను తొలిరోజు రాజేంద్రనగర్‌ పోలీస్‌స్టేషన్‌కు తీసుకెళ్లి ప్రశ్నించిన పోలీసులు.. ఇవాళ నాంపల్లిలోని ఫోరెన్సిక్‌ ల్యాబ్‌ (ఎఫ్ఎస్‌ఎల్‌)కు తీసుకెళ్లారు.

ఈ కేసులో కీలకమైన ఆడియో, వీడియో రికార్డుల విశ్లేషణ కోసం ల్యాబ్‌లో నిందితుల వాయిస్‌ రికార్డు చేయనున్నారు. ఎమ్మెల్యేల కొనుగోలు కోసం నిందితులకు డబ్బు ఎక్కడి నుంచి వచ్చిందనే విషయాలను సిట్‌ తెలుసుకునే పనిలో పడింది. ఈ కేసులో రామచంద్రభారతి ఇచ్చే వాంగ్మూలం, ఎఫ్‌ఎస్‌ఎల్‌ నివేదిక కీలకం కానున్నట్లు పోలీసులు భావిస్తున్నారు. నిందితుల వెనుక ఎవరున్నారనే అంశంపైనా సిట్‌ విచారణ చేపడుతోంది. నిందితుల కాల్‌ డేటా, సెల్‌ఫోన్‌లో వీడియోల ఆధారంగా పోలీసుల విచారణ కొనసాగుతోంది.