ఆదిలాబాద్‌ లోక్‌సభ భాజపా అభ్యర్థి నగేష్‌పై కోడ్‌ ఉల్లంఘన కేసు

ఏదులాపురం: అదిలాబాద్ ఎమ్మెల్యే పాయల శంకర్, ఆ లోక్‌సభ భాజపా ఎంపీ అభ్యర్థి గోడం నగేశ్‌పై ఆదిలాబాద్‌ ఒకటో పట్టణ పోలీసులు శుక్రవారం ఎన్నికల నియమావళి ఉల్లంఘన కేసులు నమోదు చేశారు. పట్టణంలో ఏర్పాటు చేసిన శ్రీరామనవమి ఫ్లెక్సీలపై శ్రీరాముడి చిత్రంతోపాటు ఎమ్మెల్యే శంకర్ ఫోటోను ఎన్నికల సంఘం అనుమతి లేకుండా ముద్రించారని విఎస్టీ అధికారుల పోలీసులకు ఫిర్యాదు చేశారు. ఈ మేరకు వన్ టౌన్ పోలీస్ స్టేషన్‌లో బుధవారం రాద్రే ఆయన పై కేసు నమోదైంది. కాగా, శ్రీరామనవమి రోజున శోభాయాత్రలో పాల్గొన్న పాయల శంకర్, గోడం నగేష్ నినాదాలు చేశారని వీఎస్టీ అధికారులు పోలీసుల దృష్టికి తీసుకెళ్లారు. ఈ మేరకు వారిద్దరిపై శుక్రవారం కోడ్‌ ఉల్లంఘన కేసులు నమోదు చేసినట్లు సీఐ సత్యనారాయణ తెలిపారు.