జొన్న పంట దగ్ధం

తాంసి: అదిలాబాద్ జిల్లా తాంసి మండలం పున్నాగ గ్రామానికి చెందిన గట్టు గంగయ్య జొన్న పంట దగ్ధమైంది. యాసంగిలో ఏడెకరాల్లో సాగు చేసిన జొన్న పంట కోతకు రాగా బుధవారం 5 ఎకరాల్లో పంటను హార్వెస్టర్ సాయంతో పట్టించాడు. మిగతా రెండు ఎకరాల్లో పట్టించే క్రమంలో అదే గ్రామానికి చెందిన ఓ రైతు తన పొలంలోని చెత్తకు నిప్పు పెట్టాడు. ఈదురుగాలులకు  మంటలు వ్యాపించి, జొన్న చేనుకు అంటుకున్నాయి. జొన్న కంకులు కాలిపోవడంతో సుమారుగా 50వేల వరకు నష్టం జరిగిందని బాధిత రైతు ఆవేదన వ్యక్తం చేశారు. అగ్ని ప్రమాదక సిబ్బంది మంటలను ఆర్పేయడంతో మిగతా రైతుల పంటలకు ఎలాంటి నష్టం జరగలేదు.