ఫోన్‌ చేయండి.. కథ వినండి

సంబంధిత ప్రచార ప్రతులను విడుదల చేస్తున్న పాలనాధికారి బి.సంతోష్‌, డీఈవో యాదయ్య తదితరులు

మంచిర్యాల విద్యావిభాగం, న్యూస్‌టుడే: వేసవి సెలవులను విద్యార్థులు సద్వినియోగం చేసుకోవాలని జిల్లా పాలనాధికారి బి.సంతోష్‌ పేర్కొన్నారు. శుక్రవారం కలెక్టరేట్‌లో విద్యాశాఖ అధికారులతో నిర్వహించిన కార్యక్రమంలో మాట్లాడారు. రూమ్‌ టు రీడ్‌ సంస్థ అందిస్తున్న డయల్‌ అండ్‌ లిసన్‌ ఏ స్టోరీ కార్యక్రమం ప్రచార ప్రతులను డీఈవో యాదయ్యతో కలిసి విడుదల చేశారు. 040-45209722 నంబరుకు డయల్‌ చేసి ప్రతి రోజూ ఒక విజ్ఞాన కథ వినవచ్చని రూమ్‌టూరీడ్‌ సంస్థ అందిస్తున్న ఈ అవకాశాన్ని సద్వినియోగం చేసుకోవాలన్నారు. సెలువులు వృథా కాకుండా విద్యార్థులు తమ ఆలోచన నైపుణ్యాల పెంపునకు దృష్టి సారించాలని సూచించారు. విద్యాశాఖ సమన్వయకర్త సత్యనారాయణ మూర్తి, మధు, తదితరులు పాల్గొన్నారు.