నిప్పుల కొలిమి

లక్షెట్టిపేట, న్యూస్‌టుడే: ఉమ్మడి జిల్లాపై భానుడు చండ్ర నిప్పులు కురిపిస్తున్నాడు. గతంలో ఎన్నడూ లేని విధంగా మే మొదటివారంలోనే ఉమ్మడి ఆదిలాబాద్‌లోని పలు జిల్లాల్లో పగటి ఉష్ణోగ్రతలు 45 డిగ్రీలు దాటాయి. మరోవైపు ఎండల తీవ్రత రోజురోజుకూ పెరుగుతూనే ఉంది. ఈ ఏడాది రికార్డు స్థాయిలో భానుడు తన ప్రతాపాన్ని చూపుతుండటంతో ఇల్లు దాటి కాలు బయట పెట్టేందుకు  ప్రజలు జంకుతున్నారు. ఒకవైపు మండుతున్న ఎండలు.. మరో వైపు వడగాలులు.. వెరసి జిల్లా వాసులను ఉక్కిరిబిక్కిరి చేస్తున్నాయి. గాలిలో తేమ శాతం గణనీయంగా తగ్గిపోయి ఉక్కబోతతో ఇబ్బందులు పడుతున్నారు. వాతావరణ శాఖ అంచనా ప్రకారం ఎండ తీవ్రత మరో వారం రోజులు ఇలానే కొనసాగే అవకాశం ఉంది. ఉదయం 8 గంటల నుంచే సూర్యుడు తన ప్రతాపాన్ని చూపుతుండటంతో జనాలు బయటకు వెళ్లడానికి జంకుతున్నారు. ఇక మధ్యాహ్నం నిప్పుల కొలిమిని తలపిస్తుండటంతో బయటకు రాలేని పరిస్థితి. సాయంత్రం 5 గంటల వరకు రోడ్లపై ఎక్కడ చూసినా కర్ఫ్యూ వాతావరణం నెలకొని ఉంటోంది. వీధి వ్యాపారులు, కూరగాయల అమ్మకందారులు, దుకాణాల యజమానులు తీవ్ర ఇబ్బందులు పడుతున్నారు. 

జిల్లాలో శుక్రవారం నమోదైన గరిష్ఠ ఉష్ణోగ్రత(సెల్సియస్‌ డిగ్రీలలో)

మంచిర్యాల 46.6