రోడ్డు ప్రమాదంలో ముగ్గురికి గాయాలు

తాంసి: తాంసి మండలం పొన్నారి సమీపంలో ఆదివారం తెల్లవారుజామున జరిగిన రోడ్డు ప్రమాదంలో ముగ్గురు యువకులకు తీవ్ర గాయాలయ్యాయి. జిల్లా కేంద్రం ఆదిలాబాద్‌కు చెందిన కరణ్, సయ్యద్ బబ్లు, అజీమ్ ఆదివారం తెల్లవారుజామున పున్నాగ గ్రామానికి వెళ్లి తిరిగి వస్తుండగా రోడ్డుపైకి ఒక్కసారిగా వచ్చిన అడవి పందిని తప్పించబోయి ఎదురుగా వచ్చిన లారీని ఢీకొట్టారు. ఈ ప్రమాదంలో ముగ్గురికి తీవ్ర గాయాలయ్యాయి. పొన్నారి గ్రామస్తులు 108 వాహనానికి సమాచారం అందించి, క్షతగాత్రులను రిమ్స్‌కు తరలించారు. ప్రస్తుతం వారు చికిత్స పొందుతున్నారు.