అత్యధిక కేసుల పరిష్కారానికి కృషి చేద్దాం

ఎదులాపురం: జాతీయ లోక్ అదాలత్‌లో అత్యధిక కేసుల పరిష్కారానికి కలిసికట్టుగా కృషి చేద్దామని జిల్లా ప్రధాన న్యాయమూర్తి కె. ప్రభాకర్ రావు సూచించారు. వచ్చేనెల 8న నిర్వహించనున్న జాతీయ లోక్ అదాలత్‌ను పురస్కరించుకొని మంగళవారం కోర్ట్ హాల్‌లో న్యాయవాదులు, బీమా సంస్థల ప్రతినిధులు, బ్యాంకర్లతో సన్నాహక సమావేశాన్ని ఏర్పాటు చేశారు. ఈ సందర్భంగా వారు అందించిన సూచనలను స్వీకరించారు. ఎలాంటి ఇబ్బందులు లేకుండా కక్షిదారుల పరస్పర అంగీకారంతో సత్వర న్యాయం అందించడానికి కృషి చేయాలని సూచించారు. సమావేశంలో బార్ అసోసియేషన్ అధ్యక్షుడు ఎన్రాల నగేష్ తదితరులు పాల్గొన్నారు.