ప్రతిభా పురస్కారాలు పంపిణీ చేసిన ముఖ్యమంత్రి

గుణదల, న్యూస్‌టుడే: విద్యార్థుల్లో స్ఫూర్తి నింపుతూ, వారిలో దాగున్న నైపుణ్యాలను గుర్తించి ఆంధ్రప్రదేశ్‌ రాష్ట్ర ఉన్నత విద్యామండలి (ఏపీఎస్‌సీహెచ్‌ఈ) 2022 సంవత్సరానికి గాను రాష్ట్రవ్యాప్తంగా వివిధ జిల్లాల నుంచి 12 మంది విద్యార్థులను ఎంపిక చేశారు.  ముఖ్యమంత్రి జగన్‌మోహన్‌రెడ్డి చేతుల మీదుగా ప్రశంసా ప్రతాలు, రివార్డులను అందజేశారు. ఇందులో మొదటి బహుమతిగా రూ.లక్ష, ద్వితీయ రూ.60 వేలు, తృతీయ రూ.30 వేలు, చతుర్థ బహుమతికి రూ.10 వేలు నగదు చెక్కులను అందజేశారు.
సామాజిక సేవా విభాగంలో షేక్‌ ఖాజీపూర్‌ అజరుద్దీన్‌ (వాసిరెడ్డి వెంకటాద్రి నాయుడు ఇనిస్టిట్యూట్‌ ఆఫ్‌ టెక్నాలజీ), ప్రభావవంతమైన విద్యార్థి పురస్కారం విభాగంలో  (ఇన్‌ఫ్లూయెన్షియల్‌ స్టూడెంట్‌) మేడిశెట్టి సాయికిరణ్‌ (ఆంధ్రా లయోలా కాలేజ్‌), అన్నపురెడ్డి హర్షిత (లక్కిరెడ్డి బాల్‌రెడ్డి కాలేజ్‌ ఆఫ్‌ ఇంజినీరింగ్‌), ఉత్తమ విద్యార్థి విభాగంలో కె.మేఘన (ఆంధ్రా లయోలా కాలేజ్‌) అందుకున్నారు.