ఆరోగ్యకర అలవాట్లు అలవరచుకోవాలి

నదీతీరాన అరటి ఆకు జెండా ఊపి కార్యక్రమాన్ని ప్రారంభిస్తున్న రాధిక, భార్గవి

విజయవాడ క్రీడలు, న్యూస్‌టుడే: చిన్నారులందరూ ఆరోగ్యకర అలవాట్లు  అలవరచుకోవడం అత్యంత అవసరమని పర్యావరణవేత్త, అవార (అమరావతి వాకర్స్‌, రన్నర్స్‌ సంఘం) వ్యవస్థాపకుడు ప్రొఫెసర్‌ అజయ్‌ కాట్రగడ్డ పిలుపునిచ్చారు. ఆదివారం వేకువనే కృష్ణానదీ తీరాన రాజధాని గ్రామ పరిసరాల్లో జరిగిన ప్రకృతిలో పిల్లల కార్యక్రమం సందర్భంగా ఆయన మాట్లాడుతూ భవిష్యత్తులో పర్యావరణం, సామాన్య ప్రజాజీవితం అస్తవ్యస్తమయ్యే సంకేతాలు ఎక్కువగా ఉన్నాయన్నారు. ఈ నేపథ్యంలో అందరూ అప్రమత్తంగా ఉండాలని సూచించారు. అనంతరం ఇటీవల ఈత శిక్షణ పూర్తిచేసిన సాధారణ గృహిణి రాధిక (పెదవడ్లపూడి), స్విమ్మర్‌ భార్గవిలు నదీ తీరాన పరుగు ప్రారంభించారు. ఆటపాటల తర్వాత నదీ నిడివి ఈత కార్యక్రమాన్ని ఆత్మారామ్‌ ఆరంభించారు. కార్యక్రమాలను ఉపాధ్యాయిని షరన్‌ సమన్వయ పరిచారు. ప్రతి ఆదివారం నిరంతరం జరిగే ఈ శిక్షణ కార్యక్రమంలో పాల్గొనడానికి 94941 26812 నంబరులో సంప్రదించాలని నిర్వాహకులు తెలిపారు.