ప్రధానోపాధ్యాయుడిపై ఉపాధ్యాయిని దాడి!

వీరపనేనిగూడెం(గన్నవరం గ్రామీణం), న్యూస్‌టుడే: ప్రభుత్వ పాఠశాలలోని కంప్యూటర్‌ వినియోగమై తలెత్తిన వివాదంలో హెచ్‌ఎమ్‌పై ఉపాధ్యాయిని దాడికి పాల్పడిందంటూ హెచ్‌ఎం ఆవేదన వ్యక్తం చేస్తూ ఉన్నతాధికారులకు పంపిన వీడియో బుధవారం వైరల్‌గా మారింది. బాధితుడు, పోలీసుల కథనం మేరకు.. గన్నవరం మండలం వీరపనేనిగూడెం జడ్పీ ఉన్నత పాఠశాలలో ఉపాధ్యాయినిగా పని చేస్తున్న శివకుమారి.. పాఠశాలలో అందివ్వాల్సిన వ్యక్తిగత ధ్రువపత్రాల ప్రింట్‌ విషయమై హెచ్‌ఎం వెంకటేశ్వరరావుతో వివాదం తలెత్తింది. అది తారా స్థాయికి చేరడంతో ఉపాధ్యాయిని శివకుమారి చెప్పుతో తనపై దాడికి పాల్పడినట్లు హెచ్‌ఎం ఉన్నతాధికారులకు వీడియో ద్వారా ఫిర్యాదు చేశారు. మరోవైపు గతకొంత కాలంగా తనను కావాలనే మానసికంగా వేధింపులకు గురిచేస్తున్నట్లు హెచ్‌ఎం వెంకటేశ్వరరావుపై శివకుమారి ఆత్కూరు పోలీసులను ఆశ్రయించారు. ఘటనపై వివరాలు సేకరిస్తున్నట్లు ఎస్సై సూర్యశ్రీనివాస్‌ తెలిపారు.