బుద్ధప్రసాద్‌, బాలశౌరిలను గెలిపించండి: దేవినేని

చల్లపల్లి, న్యూస్‌టుడే: కూటమి అధికారంలోకి వస్తే పోలవరం ప్రాజెక్టు పూర్తవుతుందని మాజీ మంత్రి దేవినేని ఉమామహేశ్వరరావు అన్నారు. మంగళవారం చల్లపల్లి మండలం మంగళాపురంలో నిర్వహించిన ఎన్నికల ప్రచారంలో ఆయన మాట్లాడారు. అవనిగడ్డ ఎమ్మెల్యే అభ్యర్థి బుద్ధప్రసాద్‌, బందరు పార్లమెంటు అభ్యర్థి బాలశౌరిలను గెలిపించాలని కోరారు. పాత, కొత్త మాజేరు, నూకలవారిపాలెం, లక్ష్మీపురం, చింతలమడ గ్రామాల్లో బుద్ధప్రసాద్‌, ఎంపీ అభ్యర్థి వల్లభనేని బాలశౌరి కుమారుడు అనుదీప్‌ రోడ్‌షో నిర్వహించారు. పాత మాజేరులో పార్టీ కార్యాలయాన్ని ప్రారంభించారు. తెదేపా, జనసేన, భాజపా నాయకులు, కార్యకర్తలు పెద్ద సంఖ్యలో పాల్గొన్నారు.