కనుల పండువగా అమరావతి నృత్యోత్సవం

కాశ్మీరా త్రివేది బృందం నృత్య ప్రదర్శన

విజయవాడ సాంస్కృతికం: నటరాజ్‌ మ్యూజిక్‌ అండ్‌ డ్యాన్స్‌ అకాడమీ ఆధ్వర్యంలో అమరావతి నృత్యోత్సవం-2021 కార్యక్రమం శనివారం మొగల్రాజుపురం సిద్ధార్థ ఆడిటోరియంలో అంగరంగ వైభవంగా ప్రారంభమైంది. ఒడిశాకు చెందిన ప్రఖ్యాత కూచిపూడి నాట్యనిపుణురాలు పద్మశ్రీ ఇలియానా సితారిస్ట్‌ నాట్య ప్రదర్శన ఆకట్టుకుంది. ఆమెకు అమరావతి జీవన సాఫల్య పురస్కారం అందజేశారు. మహారాష్ట్రకు చెందిన భరతనాట్య నిపుణురాలు కాశ్మీరా త్రివేది బృందం నృత్య ప్రదర్శన ఆద్యంతం ఆహూతుల్ని ఆకట్టుకుంది. విశాఖపట్నానికి చెందిన గీతా నారాయణ్‌ తన కూచిపూడి నాట్యంతో రంజింపజేశారు. అసోంకు చెందిన జితూ బోరా బృందం ప్రదర్శించిన బిహూ నృత్యం ప్రేక్షకులకు కొత్త అనుభూతినిచ్చింది. తంగిరాల అన్నపూర్ణ వ్యాఖ్యాతగా వ్యవహరించారు.