logo
Published : 08/12/2021 05:58 IST

ధాన్యం కొనుగోలుకు ఏర్పాట్లు


కరపత్రాలు ఆవిష్కరిస్తున్న గుంటూరు ఆర్డీవో భాస్కర్‌రెడ్డి తదితరులు

కలెక్టరేట్‌(గుంటూరు), న్యూస్‌టుడే: రైతులు కనీస మద్దతు ధరకు ధాన్యం అమ్ముకునేందుకు ముందుగానే రైతు భరోసా కేంద్రాల్లో నమోదు చేయించుకోవాలని గుంటూరు రెవెన్యూ డివిజన్‌ అధికారి భాస్కర్‌రెడ్డి తెలిపారు. ఈ మేరకు మంగళవారం సాయంత్రం కలెక్టరేట్‌ సమీపంలోని ఆయన కార్యాలయంలో మీడియాతో మాట్లాడారు. రైతు భరోసా కేంద్రాల ద్వారానే ధాన్యం కొనుగోలుకు ప్రభుత్వం శ్రీకారం చుట్టిందన్నారు. సాధారణ రకం(కామన్‌) క్వింటాలుకు రూ.1,940లు, 75 కేజీలకు రూ.1,455, గ్రేడ్‌ ఏ రకం క్వింటాలుకు రూ.1,960లు, 75 కేజీలకు రూ.1,470 కనీస మద్దతు ధరకు కొనుగోలు చేయనున్నట్లు తెలిపారు. రైతులు బయట మార్కెట్‌లో అధిక ధర లభిస్తే విక్రయించుకోవచ్చని, ఆ వివరాలను కూడా ఆర్బీకేలో తెలియజేయాలన్నారు. తద్వారా జిల్లాలో ఎంత ధాన్యం దిగుబడి వచ్చిందనే గణాంకాల నమోదుకు అవకాశం ఉంటుందన్నారు. గుంటూరు రెవెన్యూ డివిజన్‌ పరిధిలోని గుంటూరు, మంగళగిరి, ప్రత్తిపాడు, సత్తెనపల్లి డివిజన్‌లలో కలిపి మొత్తం 125 ఆర్బీకేల్లో ధాన్యం కొనుగోలుకు ఏర్పాట్లు చేశామన్నారు. ఈక్రాప్‌ బుకింగ్‌లో నమోదు ద్వారానే ధాన్యం కొనుగోలు చేపట్టనున్నామని వివరించారు. ధాన్యం అమ్ముకునే రైతులు బుధవారం నుంచి ఆర్బీకేల్లో వారి వివరాలను నమోదు చేసుకోవచ్చన్నారు. అనంతరం రైతులకు అవగాహన కల్పించేందుకు రూపొందించిన కరపత్రాలను విడుదల చేశారు. సమావేశంలో ఏడీఏలు కె.వి.శ్రీనివాసరావు, అమలకుమారి, శ్రీనివాసరెడ్డి పాల్గొన్నారు.

Read latest Amaravati News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని