వైకాపాపై వ్యతిరేకత స్పష్టం: చింతామోహన్‌

 మాట్లాడుతున్న చింతామోహన్‌

తిరుపతి (భవానీనగర్‌), న్యూస్‌టుడే: సజావుగా పోలింగ్‌ నిర్వహించడంతో పోలీసు శాఖ విఫమైందని చట్టాన్ని రక్షించాల్సిన అధికారులే అధికార పార్టీకి వత్తాసు పలికారని తిరుపతి కాంగ్రెస్‌ ఎంపీ అభ్యర్థి డా.చింతామోహన్‌ విమర్శించారు. ప్రెస్‌క్లబ్‌లో బుధవారం మాట్లాడారు. రాష్ట్రంలోని అన్ని నియోజకవర్గాల్లో అధికారులే వైకాపా డబ్బు పంపిణీ చేశారని దుయ్యబట్టారు. పోలింగ్‌లో ఓటర్ల చైతన్యం చూస్తే వైకాపా వ్యతిరేకత స్పష్టంగా కనిపించదని వివరించారు. రాష్టంలో జగన్‌కు, దేశంలో మోదీకి జూన్‌ 4న వ్యతిరేక తీర్పు రానున్నదని చెప్పారు. పవిత్ర పుణ్యక్షేత్రంలో డబ్బును ఓటర్లకు విచ్చలవిడిగా పంచుతున్నా పోలీస్‌ వ్యవస్థ మౌనం వహించిందన్నారు. యువత, మహిళలు ఓటేసేందుకు ఆసక్తి చూపారని వారికి అభినందనలు తెలిపారు. కాంగ్రెస్‌ పార్టీకి మంచి భవిష్యత్తు వస్తుందని ఆశాభావం వ్యక్తం చేశారు.