వాయుగుండంతో చేపల వేట నిషేధం

తూపిలిపాలెం వద్ద అలల ఉద్ధృతి

వాకాడు, సూళ్లూరుపేట, న్యూస్‌టుడే: బంగాళాఖాతంలో ఏర్పడిన వాయుగుండం కారణంగా ఈ నెల 12 వరకు సముద్రంలో వేట నిషేధించినట్లు మత్స్యశాఖ సహాయ సంచాలకుడు చాంద్‌బాషా తెలిపారు. అల్పపీడన ద్రోణి ఏర్పడటంతో మంగళవారం చలిగాలులు పెరిగాయి. సముద్రంలో అలల ఉద్ధృతి ఎక్కువగా కనిపించింది. రెవెన్యూ, పోలీసు, మెరైన్‌ శాఖ అధికారులు తీరవాసులను అప్రమత్తం చేశారు. సూళ్లూరుపేట తహసీల్దార్‌ రవికుమార్‌ మండలస్థాయి అధికారులతో ముందస్తు చర్యలపై సమావేశం నిర్వహించారు. ఏవైనా ఘటనలు, సమస్యలు ఉంటే 98499 04074 నంబరుకు తెలియజేయాలన్నారు.