రాస్‌ కేవీకే క్షేత్రంలో ఏనుగల విధ్వంసం

ఏనుగల దాడిలో ధ్వంసమైన మామిడిచెట్లు

రేణిగుంట, న్యూస్‌టుడే: రాస్‌ కేవీకే వ్యవసాయ క్షేత్రంలో సోమవారం అర్ధరాత్రి ఏనుగుల గుంపు చొరబడి చెట్లను, పంటలను ధ్వంసం చేశాయి. మంగళవారం ఇక్కడ పంటలను పరిశీలించిన రాస్‌ కేవీకే ప్రధాన శాస్త్రవేత్త డాక్టర్‌ శ్రీనివాసులు మాట్లాడుతూ సుమారు 15 సంవత్సరాల వయస్సు ఉన్న మామిడిలో 250 మొక్కల వరకు ఏనుగుల వలన నష్టం కలిగిందన్నారు. ఎకరా వేరుశెనగ విత్తనోత్పత్తి క్షేత్రం, ఎకరా సంపంగి, 1.5 ఎకరాల మిరప, అర ఎకరం బంతి, టెంకాయి చెట్లకు ఏనుగులు గుంపు నష్టం కలిగించినట్లు తెలిపారు. వివిధ పంటలకు ఏర్పాటు చేసిన డ్రిప్‌ పైపులు, గేట్‌ వాల్వు, మోటార్లు, స్టార్టర్లను నాశనం చేశాయని, సుమారు రూ.2 లక్షల వరకు నష్టం ఉంటుందన్నారు. దెబ్బతిన్న పంటను అటవీశాఖ, వ్యవసాయాధికారులు సందర్శించి జరిగిన నష్టాన్ని అంచన వేశారన్నారు.