ముసుగు తీసి.. వైకాపా సేవలో తరించి..

కుప్పంలో వైకాపా నాయకులతో కలిసి డమ్మీ ఈవీఎంలతో ప్రచారం చేస్తున్న పూర్వ వాలంటీర్లు

కుప్పం పట్టణం: సేవ చేసేందుకు వచ్చామని గొప్పలు చెప్పిన వాలంటీర్లు.. ఇప్పుడు రాజీనామా చేసి ముసుగు తొలగించి ఏకంగా వైకాపా కార్యకర్తలుగా మారిపోయారు. ఇన్నాళ్లు తాము పింఛన్లు పంపిణీ చేసిన లబ్ధిదారుల వద్దకెళ్లి బ్యాంకు కష్టాలకు ప్రతిపక్షాలే కారణమంటూ లబ్ధిదారుల్లో విషం నింపేందుకు యత్నిస్తున్నారు. కుప్పం పట్టణంలో శని, ఆదివారాలు వైకాపా నాయకులతో కలిసి వాడవాడలా వైకాపా అభ్యర్థి భరత్‌ తరఫున పూర్వ వాలంటీర్లు డమ్మీ ఈవీఎం బాక్సులతో ప్రచారం చేశారు. ఇంటింటా ‘సిద్ధం’ స్టిక్కర్లను గోడలకు అతికిస్తూ నిబంధనలు అతిక్రమిస్తున్నా.. అధికారులు పట్టించుకోక పోవడంపై ప్రతిపక్షాలు విమర్శిస్తున్నాయి.