హద్దులు దాటి వైకాపా ప్రచారం

వైకాపా అభ్యర్థి భరత్‌ను వారించకుండా కొంత దూరంలో ఉన్న తెదేపా శ్రేణులను వెళ్లగొడుతున్న పోలీసులు

కుప్పం పట్టణం, న్యూస్‌టుడే: కుప్పం ప్రభుత్వ డిగ్రీ కళాశాల కేంద్రం గేటు వద్ద వైకాపా అభ్యర్థి భరత్‌, ఆ పార్టీ శ్రేణులు నిబంధనలు విస్మరించి ఓట్లు అభ్యర్థించారు. దీంతో తెదేపా శ్రేణులు అక్కడికి రాగా.. ఎన్నికల అధికారులు గేటు వద్ద ఉన్న షామియానా తొలగించి, వంద మీటర్ల దూరం వెళ్లాలంటూ ఇరు పార్టీలకు తెలిపారు. కొద్దిసేటికే వైకాపా అభ్యర్థి భరత్‌, అతని అనుచరులు గేటు వద్ద కండువాలు, టోపీలతో ప్రచారం చేశారు. పోలీసులు భరత్‌ను వారించకుండా తెదేపా శ్రేణులు వెళ్లిపోవాలని ఆదేశాలివ్వడం వివాదానికి దారి తీసింది. వైకాపా శ్రేణులు వెళ్లిపోవాలంటూ చెప్పిన సీఐపై కొందరు వైకాపా నాయకులు దురుసుగా ప్రవర్తించారు.