వైకాపాకు నిబంధనలు వర్తించవా..

పోలింగ్‌ కేంద్రంలోకి వెళ్లిన ఎంపీపీ

పోలింగ్‌ బూత్‌లోకి వెళ్లి వస్తున్న గుడుపల్లె ఎంపీపీ వరలక్ష్మి

కుప్పం పట్టణం, న్యూస్‌టుడే: కుప్పం ప్రభుత్వ డిగ్రీ కళాశాలలోని పోస్టల్‌ బ్యాలెట్‌ పోలింగ్‌ కేంద్రంలోకి అనుమతి లేకుండా గుడుపల్లె వైకాపా ఎంపీపీ వరలక్ష్మి వెళ్లారు. భద్రతా సిబ్బందికి ఆమె.. ఓటు ఉన్నట్లు చెప్పడంతో ఎటువంటి తనిఖీలు లేకుండా ఆమెను పంపారు. ఇదీ గమనించిన తెదేపా నాయకులు ఆమె గుడుపల్లె ఎంపీపీ అని ఆమెకు ఓటు ఎలా ఉంటుందని ప్రశ్నించడంతో సిబ్బంది పరుగున వెళ్లి ఆమెను వెనక్కి పంపారు. భద్రతా సిబ్బంది వైకాపాకు అనుకూలంగా వ్యవహరిస్తున్నారని తెదేపా నాయకులు ఆరోపించారు. పోలింగ్‌ కేంద్రం వద్దే ఇరు పార్టీలు ప్రచారం చేస్తుండటంతో పోలీసులు వారిని వంద మీటర్ల దూరానికి పంపారు. ఈ సందర్భంలో ఈ ఘటన జరిగింది.