కళ్లముందున్నా.. కోడ్‌ ఉల్లంఘన కనరు..!

మరో నాలుగు రోజుల్లో ఎన్నికలు జరగనున్నా ఇప్పటికీ కోడ్‌ ఉల్లంఘనలపై అధికారులు దృష్టిసారించడం లేదనడానికి ఈ చిత్రమే నిదర్శం. కోడ్‌ పక్కాగా అమలు చేయాల్సిన అధికారులు పట్టనట్లు వ్యవహరిస్తున్నారు. రాజమహేంద్రవరం గ్రామీణంలోని బాలాజీపేట కూడలిలో ఉన్న బస్‌షెల్టర్‌పై ముఖ్యమంత్రి జగన్‌ చిత్రానికి ఎటువంటి ముసుగులు లేకుండా బాహాటంగా కనిపిస్తున్నా పట్టించుకునే అధికారే లేరు. నిత్యం ఈ మార్గం గుండానే అధికారులంతా రాకపోకలు సాగిస్తుంటారు. సీఎం చిత్రాలపై ఏదో మొక్కుబడిగా కాగితాలు అతికించి చేతులు దులుపుకొంటున్నారు. అవి ఎండకు ఎండి, వానకు తడిచి తొలగిపోతున్నాయి.  

న్యూస్‌టుడే, బొమ్మూరు