ఏ తల్లి కన్నబిడ్డో..!

మురుగు కాలువలో శిశువు మృతదేహం లభ్యం

రాజమహేంద్రవరం నేరవార్తలు: ఏ తల్లి కన్నదో తెలియదుకాని.. అభంశుభం తెలియని ఓ శిశువు మురుగు కాలువలో మృతదేహంగా కనిపించడం స్థానికులను ఆవేదనకు గురిచేసింది. రాజమహేంద్రవరం మూడో పట్టణ పోలీస్‌స్టేషన్‌ పరిధిలో గురువారం సాయంత్రం ఈ ఘటన చోటుచేసుకుంది. ఆర్యాపురంలోని ఓ ప్రధాన మురుగు కాలువలో ఓ శిశువు మృతదేహం తేలియాడటంతో స్థానికులు పోలీసులకు సమాచారం ఇచ్చారు. వారువచ్చి మృతదేహాన్ని వెలికితీయించి ప్రభుత్వాసుపత్రి మార్చురీకి తరలించారు. ఇంకా బొడ్డుతాడు కూడా తీయని మగ శిశువుని మృతిచెందితే కాలువలో పడేశారా.. బతికుండగానే ఈ ఘాతుకానికి పాల్పడ్డారో తెలియాల్సి ఉందని ఎస్సై రామకృష్ణ తెలిపారు. లేకుంటే మురుగు కాలువలో కొట్టుకుని వచ్చిందో తెలియాల్సి ఉందన్నారు. కేసు నమోదు చేషశామన్నారు.