ఆగని వాలంటీర్ల ప్రచారం

వేమూరు వైకాపా అభ్యర్థి అశోక్‌బాబుకు పుష్పగుచ్ఛం అందిస్తున్న వాలంటీరు సన్నీడియోల్‌
వేమూరు, న్యూస్‌టుడే: పోటీలో ఉన్న అభ్యర్థుల తరఫున ప్రచారం చేయకూడదని ఎన్నికల సంఘం ఎంతచెప్పినా పలు గ్రామాల్లో వాలంటీర్లు ప్రచారం చేస్తూనే ఉన్నారు. వేమూరు మండలం చంపాడులో పి.సన్నీడియోల్‌ అనే వాలంటీరు వైకాపా అభ్యర్థి అశోక్‌బాబు బుధవారం నిర్వహించిన ఎన్నికల ప్రచారంలో పాల్గొనడమే ఇందుకు నిదర్శనం. అంతేకాకుండా సన్నీడియోల్‌ అశోక్‌బాబుకు వైకాపా నాయకులతో కలిసి పుష్పగుచ్ఛం అందించారు. ఈ విషయంపై ఎంపీడీవో శేషగిరిరావును వివరణ కోరగా వాలంటీర్‌ పాల్గొన్నట్లు రుజువు ఉంటే ఆయన్ను వెంటనే విధుల నుంచి తొలగిస్తామని చెప్పారు.