వట్టిచెరుకూరులో తెదేపా సూపర్‌ సిక్స్‌ పథకాలపై ప్రచారం

వట్టి చెరుకూరు: వట్టిచెరుకూరు మండలంలోని ఇంజనంపాడు గ్రామంలో తెదేపా ఆధ్వర్యంలో  శనివారం సూపర్ సిక్స్ పథకాల శంఖారావం కార్యక్రమాలను నిర్వహించారు. ప్రత్తిపాడు తెలుగుదేశం పార్టీ అభ్యర్థి బూరల రామాంజనేయులు గ్రామంలోని ఇంటింటికి తిరిగి  సూపర్ సిక్స్ పథకాల గురించి వివరిస్తూ  కరపత్రాలను ఓటర్లకు పంపిణీ చేశారు. సైకిల్ గుర్తుకు ఓట్లు వేసి గుంటూరు ఎంపీ అభ్యర్థి గా పెమ్మసాని చంద్రశేఖర్‌ను, ముఖ్యమంత్రిగా నారా చంద్రబాబును, ప్రత్తిపాడు ఎమ్మెల్యేగా తనను గెలిపించాలని కోరారు. అనంతరం గ్రామంలో  తెదేపా శ్రేణులు  భారీ ప్రదర్శన నిర్వహించాయి.