నేటి నుంచి సీతాఫల్‌మండి రోడ్డులో ట్రాఫిక్‌ మళ్లింపు

రెజిమెంటల్‌బజార్‌: గోపాలపురం ట్రాఫిక్‌ ఠాణా పరిధిలోని సీతాఫల్‌మండిలో మెట్రో వాటర్‌ వర్క్స్‌ పనులు చేపడుతున్న దృష్ట్యా బుధవారం నుంచి డిసెంబర్‌ 11 వరకు వాహనాలను మళ్లిస్తున్నట్లు నగర సంయుక్త కమిషనర్‌(ట్రాఫిక్‌) రంగనాథ్‌ ఒక ప్రకటనలో తెలిపారు. చిలకలగూడ చౌరస్తా నుంచి సీతాఫల్‌మండి వెళ్లే వాహనదారులు ఆలుగడ్డబావి మీదుగా వెళ్లి మెట్రో పిల్లర్‌ నంబర్‌ సీ-1139 వద్ద యూ టర్న్‌ తీసుకోవాలని సూచించారు. అక్కడి నుంచి రైల్వే క్వార్టర్స్‌ మీదుగా సీతాఫల్‌మండి చేరుకోవాలని తెలిపారు. వాహనదారులు ఇతర ప్రత్యామ్నాయ దారులను ఎంచుకోవాలని సూచించారు.