భాజపా నాయకులు చర్చకు రావాలి

సుభాష్‌నగర్‌: అవినీతి ఆరోపణలు చేస్తున్న భాజపా నాయకులు ఆధారాలతో సహా చర్చకు రావాలని, నిరాధార ఆరోపణలు చేస్తే ఊరుకోబోమని పీసీసీ రాష్ట్ర అధికార ప్రతినిధి ఎం.రోహిత్‌రావు డిమాండ్‌ చేశారు. కరీంనగర్‌లో ఏర్పాటు చేసిన విలేకర్ల సమావేశంలో ఆయన మాట్లాడారు. భాజపా నేత రాణి రుద్రమదేవి, మంత్రి పొన్నం ప్రభాకర్‌ తనపై ఆరోపణలు చేశారని.. మరి ఆధారాలు ఎందుకు చూపడంలేదని ప్రశ్నించారు. మల్లికేశ్వర స్వామి బొమ్మతో తాను ప్రమాణం చేస్తున్నానని.. అవినీతి జరిగిందని నిరూపించడానికి వారిని కూడా ప్రమాణం చేయాలని డిమాండ్‌ చేశారు. నగరంలోని ఏ కూడలిలోనైనా, లేదా ఆలయం వద్దకైనా చర్చకు రావాలని డిమాండ్‌ చేశారు. అభివృద్ధిపై మాట్లాడకుండా వ్యక్తిగత విమర్శలు చేయడం సరైంది కాదని రాణిరుద్రమదేవి చేసిన వ్యాఖ్యలను ఖండించారు.