కార్మికుల కోసం ఏం చేశానో తెలుసుకోండి

గోదావరిఖని, న్యూస్‌టుడే: కార్మికుల కోసం నేను ఏంచేశానో ఒక్కసారి తెలుసుకోవాలని... మాజీ మంత్రి, భారాస ఎంపీ అభ్యర్థి కొప్పుల ఈశ్వర్‌ అన్నారు. గోదావరిఖనిలోని భారాస కార్యాలయంలో గురువారం మాట్లాడారు. ఇష్టారీతిగా ఎమ్మెల్యేలు వివేక్‌వెంకటస్వామి, మక్కాన్‌సింగ్‌లు తనపై వ్యాఖ్యలు చేయడం సరికాదన్నారు.  వివేక్‌ ఈ ప్రాంతానికి చేసిన సేవ ఏమిటో చెప్పాలన్నారు. గోదావరిఖని ప్రధాన చౌరస్తాలో నేడు మాజీ ముఖ్యమంత్రి కేసీఆర్‌ నిర్వహించే బస్సు యాత్రను విజయవంతం చేయాలన్నారు. శుక్రవారం రాత్రి 8 గంటలకు కార్యక్రమం ఉంటుందన్నారు. ఆయన వెంట మాజీ ఎమ్మెల్యే కోరుకంటి చందర్‌, భారాస నాయకులు తదితరులు పాల్గొన్నారు.