డీకేను కించపరచిన ముగ్గురిపై కేసు

బెంగళూరు (యలహంక): పీసీసీ అధ్యక్షుడు, ఉపముఖ్యమంత్రి డీకే శివకుమార్‌ను కించపరిచేలా వివిధ చిత్రాలను సామాజిక మాధ్యమాల్లో పోస్ట్‌ చేశారనే ఆరోపణపై ముగ్గురు వ్యక్తులపై బెంగళూరు హైగ్రౌండ్స్‌ పోలీసులు కేసు నమోదు చేశారు. డీకే మద్దతుదారు హరీశ్‌ నాగరాజు ఇచ్చిన ఫిర్యాదు నేపథ్యంలో నెలమంగలకు చెందిన రాజీవ్‌గౌడ, కేసరి, సామ్రాట్‌ అనే వ్యక్తులపై అభియోగాలు మోపారు. ఇతరు చిత్రాలకు డీకే ముఖరూపాన్ని అంటించి- వ్యంగ్యంగా మార్చి.. వీడియోలు, చిత్రాలను సామాజిక మాధ్యమాల్లో పోస్ట్‌ చేసినట్లు ఫిర్యాదుదారుడు ఆరోపించారు. భాజపా నేతలు కాంగ్రెస్‌ను ఎదుర్కోలేక ఇలాంటి వికృత చేష్టలకు పాల్పడుతున్నట్లు ఫిర్యాదుదారు ఆరోపించారు.