ఎన్నికల విధుల్లో కర్తవ్య లోపం

ముగ్గురు ఉద్యోగుల సస్పెన్షన్‌

హొసపేటె, న్యూస్‌టడే: ఎన్నికల విధుల్లో కర్తవ్య లోపానికి పాల్పడిన ముగ్గురు ప్రభుత్వ ఉద్యోగులను సస్పెండ్‌ చేస్తూ జిల్లా పాలనాధికారి ఎం.ఎస్‌.దివాకర్‌ ఆదేశాలు జారీ చేశారు. హగరిబొమ్మనహళ్లి తాలూకా పంచాయతీ గుమస్తా అందానగౌడ మల్కిపాటిల్‌ను అదే తాలూకాలోని పోలింగ్‌ కేంద్రం-151కు అధికారిగా,  ప్రభుత్వ కళాశాల ఉపన్యాసకురాలు ఎస్‌.ఆర్‌.సుధాను పోలింగ్‌ కేంద్రం-216 అధికారిగా నియమించినా విధులకు హాజరుకాకుండా కర్తవ్య లోపం చేశారు. కూడ్లిగి తాలూకా పోలింగ్‌ కేంద్రం సంఖ్య-46కి అధికారిగా హొసపేటె ఉపాధ్యాయుడు ప్రశాంత్‌ను నియమించారు. ఆయన కూడా విధులకు హాజరుకాకుండా కర్తవ్య లోపానికి పాల్పడ్డారు. ఈ ముగ్గురు ఉద్యోగులను సస్పెండ్‌ చేస్తూ డీసీ ఆదేశాలు జారీ చేశారు.