రాజధానిలో వాన జోరు

జోరువానకు బెంగళూరు సెంట్రల్‌లో పలచగా మారిన ట్రాఫిక్‌
బెంగళూరు (శివాజీనగర), న్యూస్‌టుడే : ఈ వారాంతం వరకు బెంగళూరు, బెంగళూరు గ్రామీణం, రామనగర, కోలారు, చిక్కబళ్లాపుర, మండ్య, మైసూరు తదితర ప్రాంతాల్లో భారీ వర్షం కురుస్తుందని వాతావరణ శాఖ అధికారులు ప్రకటించారు. బెంగళూరులో సాయంత్రం ఐదు నుంచి ఏడున్నర వరకు కురిసిన భారీ వర్షంతో లోతట్టు ప్రాంతాలు జలమయమయ్యాయి. పలు ప్రాంతాల్లో విద్యుత్తు, అంతర్జాల సేవలు నిలిచిపోయాయి. ఎన్నికల్లో ఓటు హక్కు వినియోగించుకునేందుకు బస్టాండ్‌, రైల్వేస్టేషన్లకు వెళుతున్న వారు ఇబ్బందులు ఎదుర్కొన్నారు. విరిగిన చెట్టు కొమ్మలు తొలగించేందుకు, బిలమార్గాల్లో నిలిచిన నీటిని తొలగించేందుకు పాలికె, బెస్కాం, జలమండలి సిబ్బంది సంయుక్తంగా కార్యాచరణ నిర్వహించారు.