తాగునీటిని తప్పనిసరిగా పరీక్షించాలి

పినపాక: ప్రజలకు సరఫరా చేసే తాగునీటికి తప్పనిసరిగా పరీక్షలు నిర్వహించాలని ఎంపీడీవో రామకృష్ణ సూచించారు. నీటి సరఫరా ట్యాంకులను శుబ్రపరిచే విధానం, నీటికి సరిపడా క్లోరిన్ అందించే విధానంపై అవగాహన కల్పించారు. అనంతరం ఏఈ విజయకృష్ణ కార్యదర్శులకు క్లోరినేషన్ కిట్లను పంపిణీ చేశారు. కార్యక్రమంలో కార్యదర్శులు పాల్గొన్నారు. ఉపాధిహమీ పనికి వచ్చే కూలీల హాజరు తప్పనిసరిగా నమోదు చేయాలని ఎంపీడీవో రామకృష్ణ సూచించారు. ఎంపీడీవో కార్యాలయ సమావేశ మందిరంలో గురువారం నిర్వహించిన సమావేశంలో ఆయన మాట్లాడారు. చెల్లింపుల విషయంలో తగు జాగ్రత్తలు పాటించాలన్నారు. కూలీల సంఖ్య పెంచాలన్నారు. కార్యక్రమంలో ఉపాధిహామీ సిబ్బంది పాల్గొన్నారు.