భాజపాతోనే సుస్థిర పాలన: తాండ్ర

సత్తుపల్లి: ప్రసంగిస్తున్న విజయరామారావు. వేదికపై తాండ్ర, గల్లా తదితరులు

సత్తుపల్లి, మధిర పట్టణం, న్యూస్‌టుడే: భాజపాతోనే సుస్థిర పాలన సాధ్యమని ఖమ్మం లోక్‌సభ స్థానం ఆపార్టీ అభ్యర్థి తాండ్ర వినోద్‌రావు అన్నారు. సత్తుపల్లి, మధిరలో శనివారం నిర్వహించిన వేర్వేరు సమావేశాల్లో ఆయన మాట్లాడారు. తనను గెలిపిస్తే మోదీకి సైనికుడిలా, ప్రజల దూతలా పనిచేస్తానన్నారు. మాజీ మంత్రి కె.విజయరామారావు మాట్లాడుతూ కేంద్రంలో భాజపా అధికారంలోకి వస్తే రాజ్యాంగం మారుతుందని, రిజర్వేషన్లు రద్దవుతాయని కాంగ్రెస్‌ నేతలు తప్పుడు ప్రచారం చేస్తున్నారని విమర్శించారు. పార్టీ జిల్లా అధ్యక్షుడు గల్లా సత్యనారాయణ, మాజీ ఎమ్మెల్యే కొండేటి శ్రీధర్‌, కొండపల్లి శ్రీధర్‌రెడ్డి, నంబూరి రామలింగేశ్వరరావు పాల్గొన్నారు. మధిర  పురపాలిక కౌన్సిలర్‌ జయమ్మ దంపతులు భాజపాలో చేరారు.