చంద్రబాబుతోనే రాష్ట్రాభివృద్ధి సాధ్యం

మహానంది, న్యూస్‌టుడే : చంద్రబాబుతోనే రాష్ట్రాభివృద్ధి సాధ్యమని నంద్యాల తెదేపా ఎంపీ అభ్యర్థి బైరెడ్డి శబరి, శ్రీశైలం నియోజకవర్గం తెదేపా ఎమ్మెల్యే అభ్యర్థి బుడ్డా రాజశేఖర్‌రెడ్డి స్పష్టం చేశారు. మహానంది క్షేత్రంలో కొలువైన కామేశ్వరి దేవి సహిత మహానందీశ్వరస్వామిని గురువారం వారు దర్శించుకొని ఎన్నికల ప్రచారం నిర్వహించారు. ఈ సందర్భంగా వారు మాట్లాడుతూ జగన్‌ పాలనలో అరాచకాలు, దౌర్జన్యాలు తప్ప అభివృద్ధి చేయలేదన్నారు. నియోజకవర్గంలో ఎమ్మెల్యే శిల్పా చక్రపాణిరెడ్డి ఆర్భాటాలు తప్ప ఆచరణలు శూన్యమని విమర్శించారు. తెదేపా ప్రభుత్వం వస్తే ప్రజా సంక్షేమం పదిలంగా ఉంటుందని చెప్పారు. అనంతరం మండలంలోని శ్రీనగరం, అల్లినగరం, నందిపల్లె, తమ్మడపల్లె, బుక్కాపురం, బొల్లవరంలో వారు పర్యటించి తెదేపాను గెలిపించాలని కోరారు. కార్యక్రమంలో నాయకులు నాగభూపాల్‌రెడ్డి, బన్నూరు రామలింగారెడ్డి, బుడ్డారెడ్డి యశస్విని, శ్రీనివాసరెడ్డి, మధు పాల్గొన్నారు.

సున్నిపెంట సర్కిల్‌, న్యూస్‌టుడ్‌ : సున్నిపెంటలోని పలు ప్రాంతాల్లో తెదేపా ఎమ్మెల్యే అభ్యర్థి బుడ్డా రాజశేఖర్‌రెడ్డి కుమార్తె బుడ్డా మేఘనరెడ్డి గురువారం ఎన్నికల ప్రచారం నిర్వహించారు.