రానున్నది చంద్రన్న రాజ్యం: తిక్కారెడ్డి

సూపర్‌ సిక్స్‌ పథకాల కరపత్రాన్ని చూపుతున్న తిక్కారెడ్డి, బీవీ జయనాగేశ్వరరెడ్డి, బీటీ నాయుడు

ఎమ్మిగనూరు, న్యూస్‌టుడే: రానున్నది చంద్రన్న రాజ్యమని కర్నూలు జిల్లా తెదేపా పార్లమెంటు నియోజకవర్గ అధ్యక్షుడు పి.తిక్కారెడ్డి పేర్కొన్నారు. సోమవారం ఎమ్మిగనూరు పట్టణంలోని తిలక్‌నగర్‌, చెన్నకేశవకాలనీలో ఎమ్మెల్యే అభ్యర్థి బీవీ జయనాగేశ్వరరెడ్డి, ఎమ్మెల్సీ బీటీ నాయుడుతో కలిసి ప్రచారం చేశారు. ఈ సందర్భంగా తిక్కారెడ్డి మాట్లాడుతూ.. వైకాపా ప్రభుత్వ ఆరాచక పాలనలో రాష్ట్ర ప్రజలు విసుగు చెందారని ఈ ఎన్నికల్లో జగన్‌కు దిమ్మ తిరిగే తీర్పు వస్తుందన్నారు. వైకాపా ప్రభుత్వానికి ప్రజలు సమాధి కట్టే రోజులు దగ్గర పడ్డాయన్నారు. దౌర్జన్యాలు చేస్తున్న ఈ సర్కార్‌ను కూల్చివేయాలన్నారు. తెదేపా సూపర్‌ సిక్స్‌ పథకాలతో ప్రజలకు మేలు జరుగుతుందన్నారు. ప్రతి ఒక్కరికీ సంక్షేమ పథకాలు అమలు చేస్తామని హామీ ఇచ్చారు. ఈ కార్యక్రమంలో తెదేపా నాయకులు రాందాస్‌గౌడు, కొండయ్యచౌదరి, మధుబాబు, ముల్లా కల్లీముల్లా, బందేనవాజ్‌, భాస్కర్‌, లక్ష్మన్న, ఉరుకుందు, భీమన్న, దయాసాగర్‌, తదితరులు పాల్గొన్నారు.