ఓటెత్తిన ఉద్యోగులు

ఈనాడు, కర్నూలు: పోస్టల్‌ బ్యాలట్‌ వినియోగానికి ఉద్యోగులు బారులు తీరారు.. వారిని ప్రలోభపెట్టేందుకు వైకాపా నాయకులు శతవిధాల ప్రయత్నం చేశారు.. వారిని ఉద్యోగులు ఏమాత్రం పట్టించుకోలేదు.. కొందరైతే మీరెవరంటూ నిలదీశారు.. ఓటు హక్కు వినియోగానికి ఉద్యోగులు భారీగా తరలివస్తుండటంతో వైకాపా నేతల్లో వణుకు మొదలైంది. రెండు రోజుల్లో 14,207 (69.80 శాతం) మంది ఓటు హక్కు వినియోగించుకున్నారు.   

న్యూస్‌టుడే, నంద్యాల పట్టణం: పోస్టల్‌ బ్యాలట్‌ వినియోగానికి ఉద్యోగులు బారులు తీరారు.. రెండో రోజు మంగళవారం ఆరు నియోజకవర్గాల్లో రాత్రి ఏడు గంటల వరకు పోలింగ్‌ కొనసాగింది. రెండు రోజుల్లో 12,694 మంది వినియోగించుకున్నారు. ఆళ్లగడ్డ నియోజకవర్గంలో 1818, శ్రీశైలంలో 1491 , నందికొట్కూరులో 2056, డోన్‌లో 2209, నంద్యాలలో 3068, బనగానపల్లెలో 2052 మంది ఓటేశారు.