అభివృద్ధిపై పాలక వర్గాలను నిలదీయండి

గోనెగండ్ల: సార్వత్రిక ఎన్నికల నేపథ్యంలో రాయలసీమలో ఓట్లు అడగడానికి వచ్చే అధికార ప్రతిపక్ష పార్టీల నాయకులను రాయలసీమ అభివృద్ధి, ప్రాజెక్టులు, ఉపాధి అంశాలపై ప్రశ్నించి నిలదీయాలని అరుణోదయ సాంస్కృతిక సమాఖ్య తెలంగాణ ఆంధ్ర ప్రదేశ్ రాష్ట్రాల అధ్యక్షురాలు విమలక్క అన్నారు. బుధవారం గోనెగండ్లతో పాటు వివిధ గ్రామాల్లో ఆమె సీమచాటింపు యాత్ర కార్యక్రమం నిర్వహించారు. విలేకరుల సమావేశంలో ఆమె మాట్లాడుతూ రాష్ట్రాన్ని ఏళ్ళ తరబడి పాలిస్తున్న నాయకులు సీమ వెనుకబాటు తనానికి గురి చేస్తూ ప్రజలను ఓట్ల యంత్రాలు గానే భావిస్తున్నారని అన్నారు. ఈ కార్యక్రమంలో స్త్రీ విముక్తి సంఘం రాష్ట్ర అధ్యక్షురాలు సుజ్ఞానమ్మ కరీంబాషా, మన్సూర్, రైతు కూలీ సంఘం రాష్ట్ర అధ్యక్షుడు సుంకన్న పాల్గొన్నారు.