ఘనంగా బసవేశ్వర స్వామి జయంతి వేడుకలు

నంద్యాల గాంధీచౌక్‌: జిల్లా కేంద్రంలో బసవేశ్వర జయంతి వేడుకలను ఘనంగా నిర్వహించారు. బైర్మల్ వీధిలోని బసవేశ్వర ఆలయంలో సంఘ సంస్కర్త పరమాత్మ బసవేశ్వర స్వామి జయంతి వేడుకల్లో వీరసేవ సంక్షేమ సంఘం ఆధ్వర్యంలో శుక్రవారం పాల్గొన్నారు. ఈ సందర్భంగా అర్చకులు శశిభూషణ సిద్ధాంతి, వీరశైవ సంక్షేమ సమాజం అధ్యక్షుడు నాగరాజు మాట్లాడుతూ.. సమాజంలో కులాలను, మతాలను రూపుమాపేందుకు తొలి అడుగు వేసిన మొట్టమొదటి సంఘసంస్కర్త బసవేశ్వరుడు అన్నారు. ఈ కార్యక్రమంలో శివకుమార్, కిషోర్, మల్లికార్జున, శ్రీనివాసులు, శివప్ప, మల్లప్ప, నాగేశ్వరప్ప, ప్రసాదు, రాజు, తదితరులు పాల్గొన్నారు.