కోహీర్‌లో యువకుడి దారుణ హత్య

కోహీర్‌: కోహీర్‌లో యువకుడు దారుణ హత్యకు గురయ్యాడు. పట్టణంలోని ప్రభుత్వ జూనియర్ కళాశాల ఆవరణలో అర్ధరాత్రి దాటాక వేట కొడవళ్లు, మారణాయుధాలతో దాడి చేసి హత్య చేశారు. మృతుడు ఏపీలోని కర్నూలు జిల్లా బనగానపల్లికి చెందిన అన్వర్ అలీ(28)గా పోలీసులు గుర్తించారు. అన్వర్ అలీ కొంతకాలంగా హైదరాబాద్‌లో నివాసం ఉంటూ ఆటో డ్రైవర్‌గా ఉపాధి పొందుతున్నాడు. పాత నేరస్థులైన తోటి ఆటో డ్రైవర్లు అతడిని కోహిర్‌కు తీసుకొచ్చి హత్య చేసినట్లు పోలీసులు గుర్తించారు. ఘటన స్థలాన్ని జహీరాబాద్ డీఎస్పీ రామ్మోహన్ రెడ్డి, సీఐ రవి సందర్శించి వివరాలు సేకరించారు. హత్యకు పాల్పడిన నిందితుల్లో ఒకరు పోలీస్ స్టేషన్‌లో లొంగిపోయినట్లు సమాచారం.