ప్రసన్న.. ఎన్ని పార్టీలు మారావో గుర్తుచేసుకో

మాట్లాడుతున్న వేమిరెడ్డి ప్రశాంతిరెడ్డి

ఇందుకూరుపేట, విడవలూరు, న్యూస్‌టుడే: రాజకీయంగా జన్మనిచ్చి మంత్రిని చేసి నాలుగు సార్లు ఎమ్మెల్యేగా చేసిన పార్టీకి వెన్నుపోటు పొడిచింది, గెలిచిన తొమ్మిది రోజులకే కాంగ్రెస్‌లో చేరి ఎవరు అమ్ముడుపోయారని ప్రసన్న గుర్తుచేసుకోవాలని తెదేపా అభ్యర్థి ప్రశాంతిరెడ్డి అన్నారు. ఇందుకూరుపేట మండలం నిడిముసలి, ముదివర్తిపాలెం గ్రామాల్లో శనివారం ఎన్నికల ప్రచారం నిర్వహించారు. ఆమె మాట్లాడుతూ ఇంకోసారి ఇలా మాట్లాడితే తగిన మూల్యం చెల్లంచుకోవాల్సి వస్తుందని హెచ్చరించారు. పోలంరెడ్డి దినేశ్‌రెడ్డి, మాజీ ఎమ్మెల్యే సీవీ శేషారెడ్డి, నాయకులు కల్యాణ్‌రెడ్డి, వీరేంద్రనాయుడు పాల్గొన్నారు. విడవలూరు మండలంలోని ఊటుకూరులో వేమిరెడ్డి దంపతులు ప్రచారం చేశారు. .నాయకులు వంశీకృష్ణారెడ్డి, రామిరెడ్డి విజయభానురెడ్డి, భాజపా నాయకులు కనపర్తి నాగేంద్ర, చెముకుల కృష్ణచైతన్య, జనసేన నాయకులు భారీగా పాల్గొన్నారు.