ఈ జలం గరళం

నెల్లూరు వెంగళరావు నగర్‌లో మురుగు కాలువల్లో ఏర్పాటు చేసిన తాగునీటి పైపులో

వృథాగా పోతున్న మంచినీరు .. లీకేజీ కారణంగా మంచినీరు లీకై మురుగుకాలువలా మారిందిలా..

మైపాడు రోడ్డు కిసాన్‌ నగర్‌లో మురుగునీటిలో ఇంటికెళ్లే పైపు

వేసవికాలం వచ్చింది. తాగునీటి వనరులు అడుగంటి కలుషితమవుతాయి. ఈనీరు తాగి వ్యాధులు ప్రబలుతాయి. ఈపరిస్థితుల్లో సరఫరాలో పుర అధికారులు ప్రమాణాలు పాటించడం లేదు. నెల్లూరు నగరంలో ఎక్కడ చూసినా పైపులైన్లు, ఇళ్లకు ఇచ్చే కనెక్షన్ల పైపులు మురుగుకాలువల్లో ఉంటున్నాయి.  వీధి కుళాయిల చుట్టూ మురుగు తాండవిస్తోంది. వాల్వుల సంగతి ప్రత్యేకంగా చెప్పనక్కరలేదు. ఈ గుంతల్లో చెత్త పేరుకుపోయింది. కావలిలో అయితే దశాబ్దాల క్రితం వేసిన పైపులకు లీకులు పడి  కలుషితమై సరఫరా అవుతోంది. అయిదేళ్లుగా ఈపరిస్థితులను మెరుగుపరచడంలో ప్రభుత్వం విఫలమైంది.

కావలి బాలకృష్ణారెడ్డినగర్‌ ఆంజనేయ విగ్రహం వాల్వు నుంచి లీకవుతున్న నీరు

ఈనాడు, నెల్లూరు, న్యూస్‌టుడే, కావలి.