ఓట్ల లెక్కింపునకు పకడ్బందీ ఏర్పాట్లు

మాట్లాడుతున్న సంగారెడ్డి కలెక్టర్‌ వల్లూరు క్రాంతి

సంగారెడ్డి టౌన్‌ : ఎన్నికల సంఘం మార్గదర్శకాలకు అనుగుణంగా జహీరాబాద్‌ లోక్‌సభ ఎన్నికల ఓట్ల లెక్కింపునకు పకడ్బందీ ఏర్పాట్లు చేసినట్లు కలెక్టర్‌ వల్లూరు క్రాంతి పేర్కొన్నారు. బుధవారం సంగారెడ్డిలోని పీఎస్‌ఆర్‌ గార్డెన్‌లో ఓట్ల లెక్కింపు సూపర్‌వైజర్లు, సహాయకులకు నిర్వహించిన శిక్షణ కార్యక్రమంలో ఆమె పాల్గొని మాట్లాడారు. జూన్‌ 4న నిర్వహించే ఓట్ల లెక్కింపులో 153 మంది సూపర్‌వైజర్లు, 173 మంది సహాయకులు పాల్గొంటారన్నారు. 14 టేబుళ్లు ఏర్పాటు చేస్తున్నట్లు తెలిపారు. రెండో విడత శిక్షణ అనంతరం అసెంబ్లీ సెగ్మెంట్ల వారీగా సిబ్బందిని కేటాయించనున్నట్లు పేర్కొన్నారు. కార్యక్రమంలో సంగారెడ్డి, కామారెడ్డి జిల్లాల అదనపు కలెక్టర్లు చంద్రశేఖర్, శ్రీనివాస్‌రెడ్డి, ఆర్డీవోలు పాండు, అశోక చక్రవర్తి, మాస్టర్‌ ట్రైనర్‌ కృష్ణకుమార్, సంగారెడ్డి, కామారెడ్డి జిల్లాల నుంచి వచ్చిన కౌంటింగ్‌ సిబ్బంది పాల్గొన్నారు.