పరీక్ష రుసుము చెల్లింపునకు అవకాశం

ఇందూర్‌ సిటీ: డా బీఆర్‌ అంబేడ్కర్‌ ఓపెన్‌ వర్సిటీలో 2017 విద్యా సంవత్సరానికి ముందు డిగ్రీలో ప్రవేశం పొందిన, పునఃప్రవేశం పొందిన విద్యార్థులు బ్యాక్‌లాగ్‌ పరీక్ష రుసుము కట్టుకోవడానికి అవకాశం కల్పిస్తున్నట్లు గిరిరాజ్‌ కళాశాల ప్రిన్సిపల్‌ రామ్మోహన్‌రెడ్డి, అధ్యయన కేంద్రం ప్రాంతీయ సమన్వయకర్త రంజిత శనివారం ప్రకటనలో తెలిపారు. అపరాధ రుసుము రూ.200తో ఈ నెల 6 వరకు, రూ.500తో 13 వరకు అవకాశం ఉందన్నారు మొదటి సంవత్సరం విద్యార్థులకు ఈ నెల 17 నుంచి 20 వరకు ఉదయం 10 నుంచి ఒంటి గంట వరకు, రెండో సంవత్సరం విద్యార్థులకు ఈ నెల 17 నుంచి 22 వరకు, తృతీయ సంవత్సరం విద్యార్థులకు ఈ నెల 24 నుంచి 29 వరకు మధ్యాహ్నం 2 నుంచి సాయంత్రం 5 వరకు పరీక్ష ఉంటుందన్నారు. వివరాలకు www.braouonline.in లో సంప్రదించాలని పేర్కొన్నారు.