అభివృద్ధికి పట్టం కట్టాలి

నాగిరెడ్డి పెట్: భారతీయ జనతా పార్టీ యువమోర్చా రాష్ట్ర శాఖ పిలుపు మేరకు బీజేవైఎం మండల అధ్యక్షుడు రాజగౌడ్ ఆధ్వర్యంలో మంగళవారం యువ సంకల్ప కార్యక్రమం నిర్వహించారు. గత పది సంవత్సరాల కాలంలో మోదీ చేసిన అభివృద్ధిని చూసి అభివృద్ధికి పట్టం కట్టాలని సూచించారు. పార్టీ అభ్యర్థి బీబీ పాటిల్‌కు మద్దతుగా ఈ కార్యక్రమం నిర్వహించారు. ఈ సందర్భంగా పాటిల్‌ను భారీ మెజార్టీతో గెలిపించాలని ఓటర్లను కోరారు. ఈ కార్యక్రమానికి ముఖ్య అతిథులుగా జిల్లా ప్రధానకార్యదర్శి ప్రభాకర్ రావు, జిల్లా సెక్రటరీ  నరేష్, ఎల్లారెడ్డి బీజేవైఎం అసెంబ్లీ కన్వీనర్ అచ్యుత్ రెడ్డి, మండల అధ్యక్షుడు శ్రీకాంత్, కార్యదర్శి మల్లేష్, బూత్ అధ్యక్షుడు పోశయ్య, బీజేవైఎం నాయకులు, కార్యకర్తలు పాల్గొన్నారు.