రాష్ట్రానికి ఐఐటీఎఫ్‌ అవార్డు

త్రిపాఠికి ప్రశంసాపత్రం అందజేస్తున్న ప్రదీప్‌ సింగ్

భువనేశ్వర్‌, న్యూస్‌టుడే: రాష్ట్రానికి ఇండియా ఇంటర్నేషనల్‌ ట్రేడ్‌ ఫెయిర్‌ (ఐఐటీఎఫ్‌)-2022 అవార్డు వరించింది. దిల్లీలోని ప్రగతి మైదానం వేదికగా ఈ నెల 14వ తేదీ నుంచి 27 వరకు ట్రేడ్‌ ఫెయిర్‌ వేడుక ఏర్పాటైంది. కార్యక్రమంలో అన్ని రాష్ట్రాలు, కేంద్రపాలిత ప్రాంతాల ఉత్పత్తులు, సాంస్కృతిక కార్యక్రమాలు ప్రదర్శించారు. ఆదివారం ఏర్పాటైన ముగింపు ఉత్సవంలో అటవీ, పర్యావరణ శాఖల మంత్రి ప్రదీప్‌ అమత్‌, రాష్ట్రానికి చెందిన ఇతర ఉన్నతాధికారులు పాల్గొన్నారు. విభిన్న రంగాల్లో ఒడిశా ఉత్తమ ప్రతిభ చూపినందున రాష్ట్ర సమాచార పౌరసంబంధాల శాఖ సంచాలకుడు ఇంద్రమణి త్రిపాఠి ఐఐటీఎఫ్‌   ఎండీ ప్రదీప్‌సింగ్‌ చేతుల మీదుగా ప్రశంసాపత్రం అందుకున్నారు.